Sr. Muaythai Championship atan Mizo 10
May 18-21 chhunga neih tur National Sr. Muaythai Championship atan Mizoram Muaythai Association chuan player thlan a nei a, mipa pasarih leh hmeichhe pathum an thlang chhuak.
Inrinni khan Hawla Indoor Stadium, Republic Vengthlangah selection hi neih niin, Mizoram hmun hrang hrang aṭangin player 42 an inlan. Thlanchhuah bikte hian April 30 aṭangin training an nei chhunzawm lehnghal dawn a ni.
Sr. Muaythai Championship hi Mandi, Himachal Pradesh-ah neih tur niin, tun ṭumah hian Junior leh sub Junior tan buatsaih a ni dawn lo a, senior hlang inelna a ni ang.
Muaythai Association of Mizoram president Brian Lalnunhlima chuan kuminah hian player 10 bakah official pathum an tirh tur thu a sawi a, junior leh sub junior-ah Mizo player an inlan leh theih nan hma lak a nih thu Vanglaini a hrilh bawk.
Mizoram aiawh turte
Mipa
# Player Address Category
1 Benjamin Zonunsanga Luangmual MC 48Kg
2 Lalriatkima Ṭhuampui MC 57Kg
3 Ngursaimawia Venghlui MC 68.5Kg
4 Jeremia Lalchhuanmawia Dawrpui MC 75Kg
5 Lalṭhasanga Venghlui MC 85Kg
6 Lalhlimpuia Mizoram Police 95Kg
7 Ngurlianzuala Sailo Mizoram Police 105Kg
Hmeichhia
# Player Address Category
1 Lalvenhimi Dawrpui MC 48Kg
2 Zohmingsangi Dawrpui MC 54Kg
3 Liansangpuii Mizoram Police 62Kg