Mizoram team feh chhuak

Khawvela Muaythai thuneitu sang ber International Federation of Muaythai Associations (IFMA) buatsaih World Muaythai Championship 2021 tana trial nei turin Mizoram team chuan nimin khan Aizawl an chhuahsan.

October 1-4 chhungin Saket, New Delhi-ah World Muaythai Championship-a India aiawh tur thlanna neih a ni dawn a, junior category aṭanga senior level thleng inelna awm turah Mizoram aṭangin player 11 te tel tura thlan an ni a, Mizoram team manager Liansangpuii Renthlei ho in an feh chhuak a ni.

National Virtual Championship 2021 zawh fel taka gold medal la chin, Mizo player panga - Eric Biakthianghlima, Benjamin C. Lalrempuia, Malsawmdawngliani, Laldinfela leh K. Lalramchhana te chu World Virtual Muaythai Championship 2021-a India aiawh tura thlan an ni bawk.