San Siro an sa thar dawn

AC Milan leh Inter Milan te khelmual inṭawm San Siro chu an sa ṭha hnai a, tuna ruahman dan chuan kum 2024-ah stadium thar an luah hman ang - kumin tawp lam aṭanga sak ṭan tura tih a ni.

AC Milan president Paolo Scaroni chuan, "Ruahmanna hrang hrang siam fel a ni tawh, kumin tawp aṭanga kan sa ṭan a nih chuan kum 2024-ah zawh hman beisei a ni," tiin a sawi a, tunlai thiamna hmangin changkang taka sak a nih tur thu a sawi bawk.

Tuna an khelmual hman lai San Siro hi kum 1925 aṭanga an luah kha niin, mipui 80,000 an leng - Italy ram chhunga stadium lian ber a ni. Tuna an ruahman dan chuan stadium thar sak nan hian euro maktaduai 120 vel an hmang ang.