Argentina-in final an lut

FIFA Futsal World Cup-ah Argentina-in champion ngun ber Brazil hnehin final an lut. La Albiceleste hi champion lai an ni a, final-ah nizana Portugal leh Kazakhstan te inkhela chak zawk an hmachhawn ang.

Kaunas-a inkhelah Argentina tana Cristian Borruto ball pet ṭha zet chu Constantino Vaporaki-a'n goalline aṭangin minute 11-naah a tlawh lut. Kum 34 mi Barruto hian minute hnih hnuah ama pualin a khung ve leh bawk.

Brazil-in nawr na a, minute 17-naah FC Barcelona tana khel Ferrao-a'n siphurh a sut ṭhen. Selecao hian goal dang khung tumin nawr na chhunzawm mah se goal hmuh tur a awm tawh lo a, Argentina 2-1 in an chak.

Futsal final leh pathumna zawnna hi October 3, Pathianniah neih a ni ang.