Futsal World Cup final-ah Argentina vs Portugal

FIFA Futsal World Cup final chu October 3, Pathianni zan dar 10:30 hian Argentina leh Portugal ten Lithuania-ah an khel dawn. Champion lai Argentina hian final lut turin champion ngun ber Brazil 2-1 in an hneh a, Portugal hian Kazakhstan chu penalty shootout hmangin an hneh ve bawk.

Ningani zana semifinal inkhelah Portugal-in Pany hmangin minute 23-naah goal an khung hmasa a, Kazakhstan-in Nurgozhin hmangin minute 40-naah an sut a, minute hnih hnuah Douglas hmangin hma an hruai zui bawk.

Futsal hi minute 50 chhung khelh a ni a, Kazakhstan hian final hnaih hman mah se minute 49-naah Portugal tan Bruno-a‘n siphurh a sut. Penalty shootout hmanga chak zawk zawn niin Portugal hi 4-3 in an vannei.

October 3, Pathianni zan hian final khelh hmain pathumna zawn tur a ni a, zan dar 8:30-ah Brazil leh Kazakhstan ten pathumna an zawng ang.