CAM-in AGM an nei

Mizorama cricket thuneitu sang Cricket Association of Mizoram (CAM) chuan Ningani khan Aijal Club-ah Annual General Meeting vawi thumna an nei.

AGM-ah hian CAM Apex Council member paruk leh CAM hnuaia full member leh associate member club tin aiawh mi pakhat ṭheuh an tel.

Hri leng vanga season hmasa an chawlh hnuah Board of Control for Cricket in India hnuaia tualchhung inelna neih ṭan a ni leh tawh. CAM chuan BCCI hnuaiah hian a hnuaia age group team leh senior team nen belh khawmin inelna 11 a hmachhawn dawn.

Tunah hian Under 19 mipa leh hmeichhe team ten One Day Trophy an khel mek a. Team dangte pawhin inelna hmachhawn tura an inbuatsaihna hmawr bawk lam an hnaih tawh hlawm.

CAM hnuaia rorelna inkhawmah hian season lo awm tura hmalakna tur hrang hrangte rel niin, inrelbawlna tur budget pawm a ni bawk.