Harry Kane-a'n goal a khung leh ta

Tottenham-in Ningani zan khan Europa Conference League-ah Slovenian club Mura 5-1 in an sawp a, Harry Kane-a‘n hattrick a siam.

Spurs tan hian Dele Alli-a‘n penalty aṭangin minute lina lekah a khung a, Giovani Lo Celso-a‘n minute riatnaah a khung. Minute 60-naah Kane, Son Heung-min leh Lucas Moura te an lut a, goal thum luh belhin England captain khung vek a ni.

Tottenham striker Kane hian league match ngaah goal a la khung lo a, amaherawhchu tun season inelna hrang hranga league match kua a khelhah goal ruk a khung pha tho.

Spurs hian league match hnuhnung pathumah chak an nei lo a, goal kua chhuahin goal khat chiah an khung. Pathianni zan dar 6:30 hian Nuno Espirito Santo hoten Aston Villa an mikhual dawn a, Kane-a telna Spurs-in Manchester United hnehtu Villa lakah result ṭha an beisei ang.