Pele-a'n damdawi in a chhuahsan

Brazilian legend Pele chu a rila bawk hlawhtling taka an zai hnuah September 30 khan damdawi in a chhuahsan. Kum 80 mi Pele hi August 31 khan a rilah bawk a awm tawh tih hmuh a ni a, Sao Paulo damdawi inah awmin September 4, Inrinni khan zai a ni.

Pele chuan, "Ina ka let leh thei hi ka lawm hle. Albert Einstein Hospital-a thawktu zawng zawng chungah ka chunga an ṭhatna avangin an chungah lawmthu ka sawi a, khawvel hmun hrang hranga duhsakna min hlantu zawng zawng chungah ka lawm bawk," tiin a sawi.

Football legend Pele hian Brazil tan match 91-ah goal 77 a khung a, World Cup vawi li a goal khung thei mi pali zinga mi a ni.