Vinales inlan dawn lo

Pathianni zan dar 12:30 hian Americas MotoGP an tlan dawn a, tun hnaia a unaupa thihna vangin Maverick Vinales chu a inlan dawn lo. Vinales inlan loh tur thu hi Aprilia chuan an puang chiang tawh a ni.

Kar hmasa khan Jerez tlankawngah WorldSSP300 tlan a ni, inelnaah hian chet sualna thlengin Dean Berta Vinales chu a thi - a thihna hian Vinales chhungkua a nghawng na viau a, an hun tawnin a la zir loh avangin Maverick Vinales tan pawh MotoGP-ah rilru pek a la harsa.

Thu chhuah siamin Aprilia chuan, "Chhiat an tawhna aṭangin hun a la liam tam lo, ngaiawh leh turin a la hma lutuk bawk, chuvangin Austin, Texas-a inelna neih turah Maverick Vinales a la inlan thei lo ang," tiin an sawi.

Grand Prix of the Americas hi 2013 aṭanga neih ṭan kha niin, America rama MotoGP inelna an neih ṭhin pathum zinga pakhat a ni. Vawi ruk hnehna chang tawh Marc Marquez chu result nei ṭha ber niin, a team Repsol Hondo pawh record nei ṭha ber an ni bawk.

Bike intlansiakna sang ber season kal laiah hian inelna vawi 14 an nei tawh, point 234 hmutu Fabio Quartararo chuan hma a la hruai, a hnungah hian Francesco Bagnaia (186 points) leh Joan Mir (167) te an awm mek a ni.