Playoff khel turin CSK an tling

Indian Premier League khelh mekah Chennai Super Kings chuan Ningani zan khan Sunrisers Hyderabad wicket rukin an hneh a, playoff khel turin an tling.

Sharjah Cricket Stadium-ah Sunrisers-in an bat hmasa a, Wriddhiman Saha-a'n 44 runs siam mah se batsman dang an chet ṭhat tawk loh avangin 134/7 runs chauh an siam. Supers Kings bowler Josh Hazlewood (24/3) leh Dwayne Bravo (17/2) te an che ṭha ve bawk.

Chennai tan opener pahnih Ruturaj Gaikwad (45) leh Faf du Plessis (41) ten bul an ṭan ṭha a, captain ṭha mi MS Dhoni (14*) leh Ambati Rayudu (17*) te a tawp thlenga damin ball hnih la awmin 139/4 runs siamin hnehna an chang. Kum 40 mi Dhoni hian six runs hmangin a tawp a khar a ni.

IPL-ah hian team pariat an awm a, a sang paliin playoff an khel dawn. Qualifier 1-ah pakhatna leh pahnihna an inkhel ang a, heta chak zawk hian final an lut nghal dawn. Eliminator round-ah pathumna leh palina an inkhel ang a, heta chak zawk hian qualifier 1-a chak lo zawk nen final khel tur an zawng ang.