Chullova a inlan thei dawn lo

East Bengal-ah Jeje Lalpekhlua leh Lalramchullova te chu Mizo player awm an ni a, Armed Veng tlangval Chullova hian a khupah hliam a tawrh avangin a inlan thei dawn lo. 

Kolkata derby match riat a khelh tawha assist vawi li nei thei Chullova hi Kolkata lamah a inenkawl mek a, season hmasa lama Mohun Bagan tana khel defender hian December thla tawpah a dam hman a beisei. 

Chullova chuan, "Ka khupah hliam ka tuar a, tlanpui theih ni mah se medical team lam an fimkhur avangin inenkawl turin min ti. Kolkata-ah ka awm mek a, beisei anga ka dam thei a nih chuan December thla tawpah club training ka zawm leh ang," tiin Vanglaini a hrilh. 

Aizawl FC defender hlui chuan derby chungchang sawi zuiin, "Kolkata derby ropuizia hi ka hre sa tawh a, inkhelh a châkawm duh takzet," a ti a, hetihrual hian entu awm thei lo chuan ṭum dang aia pressure a tih nep deuh a rin thu a sawi.