Stuttgart-ah Pliskova a thiam ber

Pathianni zan khan Stuttgart Open khelh zawh a ni a, Karolina Pliskova chuan bul ṭan fuh tawk lo mah se CoCo Vandeweghe chu 7-6 (7/2), 6-4 a hnehin a champion.

Seeded pangana Pliskova hian WTA title 10 a lakna chiah a ni a, kum thum kalta khan Prague-ah champion in, chumi hnuah tun ṭum hi clay court bika a hlawhtlin lehna hmasa ber a ni.

Czech Republic nula Pliskova chuan, "Mipui leh ka team aṭangin thlawpna ka dawng ṭha a, ka tan chawlhkar duhawm tak a ni," tiin a sawi. Chak lo mah se wildcard hmanga inlan Vandeweghe tan pawh final thlen phak hi a ṭha thawhkhat hle.