Kolkata Knight Riders an tho lehnghal

Kolkata Knight Riders-in Zirtawpni zanah run 55-in Delhi Daredevils ngam lo mah se Pathianni zanah an tho lehnghal a, Royal Challengers Bangalore lakah wicket rukin hnehna an chang.

RCB hi an bat hmasa zawk a, Virat Kohli chuan run 68 siama a tawp thleng a dam avangin over 20-ah run 175 an tlin thei a, wicket li chiah an hloh. KKR bat hun a thleng a, bul ṭantu Chris Lynn chuan run 62 vaw chhuak nghalin a tawp thleng a dam.

Lynn hi Sunil Narine (27 runs) leh Robin Uthappa (36) ten pangngai takin an pui bawk a, over 19.1-ah an target khuma wicket li chiah hlohin hnehna an chang.

Sunrisers Hyderabad leh Rajas­than Royals inkhelah SRH chu run 11-in an chak bawk. Hyderabad hi bat hmasa zawkin over 20-ah run 151 an siam a, wicket sarih an hloh. Alex Hales (45 runs) leh Kane Williamson (63) te chu SRH tana run siam hnem ber an ni.

Rajasthan Royals bat hun a thleng a, captain Ajinkya Rahane-a'n run 65 siama a tawp thleng damin bul rawn ṭan ṭha viau mah se a team a chhanhim zo chuang lo a, over 20-ah run 140 chiah siama wicket ruk hlohin an tlawm.