Cleveland tan James-a point 45

Cleveland Cavaliers tan Le­Bron James a thiam tawk. Pa­thian­ni zan khan James-a point 45 score hmangin Cleveland chuan Indiana Pacers 105-101 in an hneh a, NBA playoff series 4-3 a lain Eastern Con­ference semifinal an lut.

Kum 33 mi James-a'n bul a ṭan fuh hle a, first half-ah point 26 score hmanin assist panga leh rebounds vawi li a la hman. NBA playoff-ah point 20 chin vawi 200 score tling thei hmasa ber a ni nghal bawk.

Cavs hian semifinal-ah Toronto Raptors an hmachhawn dawn a, Nilaini zing dar 5:30-ah game 1 an khel ang. Toronto Raptors hian Washington Wizards chu 4-2 in an lo hneh ve bawk a ni.

Inkhel dangah James Harden-a point 41 score hmangin Houston Rockets chuan 110-96 in Utah Jazz an hneh a, Western Conference semifinal seris-ah 1-0 in hma an hruai. Rockets hian an match hmasa lamah Minnesota Timberwolves 4-1 in an hneh thei a ni.