Leeds chak ve ta

Premier League season kal laia a vawi khat nan Leeds United chuan chak ni hmel an hmu ve ta. Inrinni zan inkhelah defender Diego Llorente-a goal khat hmangin an mikhual Watford chu 1-0 in an hneh.

September thla tira malpui hliam Llorente a dam leh ta a, minute 18-naah goal awmchhun hi a khung. Elland Road-a inkhel entuten an duh ber hnehna chu an hmu ve leh ta a, manager Marcelo Bielsa tan pawh chanchin lawmawm a ni ang.

Argentine manager Bielsa naute hian inkhel hmuhnawm an chhawp chhuak ṭhin. Jamie Shackleton, Raphinha leh Stuart Dallas te an hmuhnawm em em vek a, goal khat chauh khung mah se an khelh dan a lungawi thlak.

Bielsa chuan, "Kan match hmasa lamah pawh khan chak kan phu, a tawpa kan danglamna chu goal khat chauh kha a ni. Inkhel ṭhenkhatah chuan goal khat vangin kan vanduai a, tun ṭumah erawh lawmna tur lam a ni ta," tiin a sawi.