Sabalenka-i'n hri leng a kai

Tun kar chhunga khelh tur Indian Wells Masters-ah Aryna Sabalenka a inlan thei dawn lo. World number 2 hi seeded pakhatna pek a ni a, mahse hripui leng a kai avangin chawpchilh takin a inhnukdawk a ni.

Kum 23 mi Sabalenka chuan, "Vanduai thlak takin hri leng ka kai ve tlat, min enkawltu doctor te thu ka zawm a ngai. Ka inkhung hrang nghal a, tun dinhmunah chuan natna lang chhuak ka nei lem lo," a ti a, inelna a hmachhawn thei lo tur chu pawi a tih thu a sawi bawk.

Hmeichhe world number 1 Ash Barty a lo inhnukdawk tawh a, mipa world number 1 Novak Djokovic leh 2018 champion Naomi Osaka bakah Grand Slam vawi 23 champion tawh Serena Williams pawh a inlan thei dawn lo.