United legend Dunne a thi

Manchester United legend Tony Dunne chu June 8, Thawhṭanni khan a thi a, kum 78 mi a ni. 

Ireland defender hi 1968 European Cup-a United an champion ṭuma an player kha a ni. Wembley Stadium-ah Benfica chu 4-0 a hnehin, manager Matt Busby kaihhruaina hnuaiah George Best leh Bobby Charlton te nen an khelho.

Kum 18 mi chauh a nih laiin Dunne-a hian United hi a zawm a, match 535 khelhsakin 1963 FA Cup bakah 1965 leh 1967 te khan league champion an ni bawk.

United chuan thuchhuah siamin, "Kan defender awm tawh zinga ṭha leh ropui, club tana match 535 khel thei Tony Dunne chu a liam ta. A kalsan a chhungte leh ṭhiante kan tuar pui, thlamuang takin chawl rawh se," an ti.

English club United bakah hian Bolton tan 1973 aṭanga 1979 inkar khan match 200 chuang a khel a, North American Soccer League lamah Detroit Express tan a khel bawk.