Messi telna PSG chak lo

Nizan inkhelah Paris Saint-Germain tan Lionel Messi, Neymar leh Kylian Mbappe te an inlan vek a, Rennes lakah 2-0 in an chak lo. Tun season-a Mauricio Pochettino hote an chak lohna hmasa ber a ni.

Stade de la Route de Lorient-ah PSG-in a tirah inkhel an thunun a, ball an chang tam bakah chance ṭha pawh an ngah. First half-ah player ṭha pathum Messi, Neymar leh Mbappe ten chance ṭha an hlah vek a, Argentina captain hian freekick aṭangin crossbar a pet per.

Amaherawhchu minute 45-naah Kalmadeen Sulemana-a cross chu Gaetan Laborde chuan a pet goal a, Rennes-in halftime-ah 1-0 in hma an hruai.

Second half ṭan chiahah Rennes-in goal an khung leh nghal a, goal hmahruaitu khungtu Laborde siam chu Flavien Tait-a'n a khung. Inkhel kalhmang a dang ta daih.

PSG-in na takin an nawr let a, Kylian Mbappe-a'n minute 68-naah si phurh sut ṭhenah inngai mah se VAR hmanga enl et a nih hnuah offside vangin pawm a ni lo.

Rennes an ṭang tluan a - Messi, Neymar leh Mbappe-te an dang thei. Mualneitu hian hun tawp lamah penalty an beisei a, VAR hmangin sûtsak mah se PSG 2-0 a an hneh avangin result ṭha a ni.

Kum 34 mi Messi hian Manchester City lakah goal khung mah se Ligue 1 lamah erawh match thum a inlan tawhah goal a la khung lo.

Tun ṭuma PSG hneh loh Rennes hi Ligue 1-a match nga chhung chak hmel hmu tawh lo an ni!