Joshua-a'n thutlukna siam thuai dawn

WBO, IBF leh WBA heavyweight champion Anthony Joshua chuan tun hnai ni 10 chhungin a hmachhawn leh hmasak ber tur a tichiang dawn.

Joshua hi tun hnaiah WBC heavyweight champion Deontay Wilder chuan a cho thu ualau takin a sawi a, Joshua promoter Eddie Hearn-a pa Barry Hearn chuan, "Joshua duhthlan tur pathum zingah a tel," tiin Wilder chungchang a sawi.

Wilder hian tun hnaiah social media lamah video tarlangin Joshua chu pound maktaduai 35.9 pek an inhuam thu an sawi a, mah se American fighter aiawhte hmuh tuma Eddie Hearn-a'n a beihna chu a hlawhchham rih.

Eddie pa Barry chuan, "Joshua hian Alexander Povetkin, Jarrell Miller leh Deontay Wilder te chu a hmachhawn theih tur zingah a chhawp chhuak a, duhthlanna leh thutlukna chu ama kut vek a ni," a ti.

Wilder hian Joshua chu pound maktaduai 35 chuang an pek theih thu sawi mah se British boxer team hian American fighter hian heti zat sum an hmuh theih an ring lo.