A chung berah Nadal

Association of Tennis Professionals (ATP) chuan Thawhṭanni khan world ranking thar an tichhuak a, point 8,770 hmutu Rafael Nadal chu pakhatnaah awm chhunzawmin, a hnungah hian Roger Federer (8,670 points) a awm thung.

German rawlthar duhawm Alexander Zverev chu pathumnaah a awm. Kum 21 mi Zverev hian Grand Slam nomawi la chawi lo mah se season hmasa khan ATP Masters 1000 title pathum a la thei a, kuminah pawh player hlauhawm leh thleng sang pawl a ni chho zel.

Tun hnai kum 10 chhung vel chu Nadal leh Federer ten tennis khawvel an thunun hneh hle a, an sum lakluh pawh a tam. Frobes-in a tarlan dan chuan kumin chhungin Federer-a'n tennis a khelhna aṭangin Rs 28,85,07,345 a lalut tawh; Nadal hian Rs 14,63,37,125 a vaw chhuak tawh thung a ni.

Swiss star Federer hi tun laia an khelh mek clay court season-ah a inlan lo a, a elpui Nadal tan erawh hmun ṭha leh duhthusam a ni thung. Nadal-a'n a zawnin Monte Carlo Masters leh Barcelona Open nomawi a chawi a, inelna lian French Open a champion leh a nih chuan sum lakluh lamah pawh Federer hi a hnaih chho hle tura ngaih a ni bawk.

ATP Ranking Thar (April 30)
# Player Ram Points
1 Rafael Nadal ESP 8,770
2 Roger Federer SUI 8,670
3 Alexander Zverev GER 5,195
4 Marin Cilic CRO 4,985
5 Grigor Dimitrov BUL 4,950
6 Juan Martin Del Potro ARG 4,470
7 Dominic Thiem AUT 3,545
8 Kevin Anderson RSA 3,390
9 John Isner USA 3,125
10 David Goffin BEL 3,020
11 Pablo Carreno ESP 2,440
12 Novak Djokovic SRB 2,220
13 Sam Querrey USA 2,220
14 Roberto Bautista ESP 2,175
15 Jack Sock USA 2,155