Hamilton-a'n Vettel a sawisel

Formula 1 champion lai Lewis Hamilton chuan Pathianni zana tlan zawh tak Azerbaijan Grand Prix-ah khan, a elpui Sebastian Vettel chuan dan a bawhchhia niin a sawi.

Mercedes driver Ha­milton chuan, "Formula 1 intlansiakah chuan din thut leh tlan thut a rem lo, mahni hnung leh hma a awmte ngaihchan tur a ni a, midang ngaihtuah lek loa inelna hmachhawn chu a fuh lo," tiin safety car tlan laia Vettel chet dan chu dan kalh a nih thu a sawi.

Britain tlangval Hamilton hian tun season chhunga a vawi khat nan Azerbaijan GP-ah khan hnehna a chang a, intlansiak hmasa hoah hnehna chang lo mah se a che ṭha pawl a nih phak zel avangin driver championship hmahruaitu a ni thei a ni.