Clay atan ka inpeih - Kevin Anderson

Tennis world number 8 Kevin Anderson chuan clay court season hmang tura a inpeih thu a sawi. South African player hi French Open inbuatsaih nan tun kar chhunga khelh tur Estoril Open-ah a inlan ang.

Season hmasa US Open final-a Rafael Nadal hneh lotu hi Estoril Open-ah chuan seeded pakhatna a ni dawn a, first round-ah chuan a bye a, Stefanos Tsitsipas leh Pablo Andujar te inkhela a chak zawk a hmachhawn leh dawn a ni.

Kum 31 mi Anderson chuan, "Thla hmasa khan Miami Open-ah ka inlan a, chumi hnuah ka chawl zui. Tunkar chhungin kumina a vawi khat nan clay court-ah ka inlan dawn a, tun hma lama ka la hlawhtlin ngai lohna hmuna nomawi chawi turin ka inpeih a ni," tiin a sawi.

Tennis season khat chhungin Grand Slam tournament pali khelh ṭhin a ni a, tun season atan Australian Open khelh tawh niin, tun thla tawp lam hian French Open an khel zui leh dawn a ni. Season chawhnu lamah Wimbledon leh US Open an khel zui ang.