RCB-in Mumbai Indians an hneh

Indian Premier League-ah Mumbai Indians an tho hleithei lo - match riat an khelh tawha an vawi ruk tlawmna ni turin Royal Challengers Bangalore lakah an tlawm leh ta a, Thawhlehni zan khan RCB hi run 14-in an ngam lo.

Bangalore khawpuia inkhelah RCB an bat hmasa zawk a, over 20-ah run 167 siamin wicket sarih an hloh. Bangalore batsman zingah player che ṭha fal tia sawi tur an awm lo a, mahse Manan Vohra (45 runs), Brendon McCullum (37) leh Virat Kohli (32) te pangngai taka an bat avangin target pangngai tak an tuk.

Mumbai Indians tan a tira rawn ding chhuak pahnih Suryakumar Yadav (9) leh Ishan Kishan (0) te run siam mumal loa an out nghal avangin beiseina a chuai titih nghal a, Hardik Pandya chuan half century rawn vaw chhuak mah se a team hi hnehna a chanpui zo lo.

Over 20-ah run 153 chiah an tlin a, wicket sarih hlohin an target hi run 14-in an umpha lo a ni.