TT coach te tan training programme

Mizoram Table Tennis Association chuan ni li awh tur Residential Training of Trainers Programme chu May 1 aṭang khan khan MTT Hall, Mission Vengah an nei ṭan a, May 4, Zirtawpniah a tawp ang.

Training of Trainers-ah hian Mizoram district paruk aṭangin Table Tennis coaching pe ṭhin district coach 16 inziaklutin, Zhending International TT Training Centre, China aṭanga zirchhuak coach Zorema Pachuau-in theory leh practical in zirtirna a pe ṭhin dawn. Ani bakah hian Sports Medicine leh Sports Psychology a thiamna bik nei te'n Table Tennis coach te hi zirtirna an pe dawn bawk a ni.

Nikum khan Training of Trainer's Programme hi hlawhtling takin Mizoram Table Tennis Association chuan a lo buatsaih tawh bawk a, heng training chhuak te hian an district tinah Table Tennis Intensive Coaching Programme hnuaiah Table Tennis Coaching an pe ṭhin dawn a ni.