Granada-in Delhi coach lalut

Spanish second division club Granada CF chuan Indian Super League club Delhi Dynamos coach Miguel Angel Portugal chu season tawp thleng atana an coach ni turin an lalut.

Real Madrid technical director hlui hian Pedro Morilla a thlak dawn a, La Liga lama talbuai tak team tan tun season chhunga an manager pathumna tur a ni nghal bawk.

Kum 62 mi manager hian season hman zawh takah khan Delhi a zawm a, beisei ang erawhin a chet ṭhat pui lo hle. ISL season hman zawh takah khan match 18-ah vawi nga chiah hnehna a chanpui thei a, team 10 inelnaah pariatna an ni.

Dynamos-in Indian Super Cup lamah ISL-a an chet chhiat an thup mawi theih an beisei a, mahse I League club Churchill Brothers ngam loin qualifying round aṭangin an tla bawk.

Granada hi Spanish second division table-ah pariatna an ni mek a, match nga chiah khelh tur an nei tawh.