Bangalore-in Playoff an khel dawn

Indian Premier League-ah Royal Challengers Bangalore chuan Pathianni khan Punjab Kings chu 6 runs-in an hneh a, playoff khel turin an tling. Inkhel dangah Kolkata Knight Riders chuan playoff beiseina chhi nung turin wicket rukin Sunrisers Hyderabad an hneh ve bawk.

Sharjah Cricket Stadium-ah Bangalore captain Virat Kohli-a'n huaisen takin bat hmasak a thlang. RCB tan Glen Maxwell (57), Devdutt Padikkal (40) leh Kohli (25) te an che ṭha a, 164/7 runs an siam. Punjab tan playoff khel turin chak a ṭul a; Mayank Agarwal (57), KL Rahul (39) leh Aiden Makram (20) te che chhe lo mah se over 20-ah 158/6 runs an siam a, 6 runs in an chak lo.

Dubai International Stadium-ah tla chiang tawh Sunrisers Hyderabad leh playoff beiseina la nei Kolkata Knight Riders te an inkhel a, SRH-in bat hmasak an thlang. Amaherawhchu Hyderbad hian over 20-ah 115/8 runs chauh an siam a, KKR tan target harsa tur a ni lo.

Kolkata tan opener Shubman Gill (57) leh Nitish Raina (25) te che chhe lo mah se strike rate a ṭhat loh avangin ball hnih chiah dah bangin 119/4 runs an siam a, an chak hram.