India tlangval ten hma an sawn

Badminton World Federation (BWF) chuan nimin khan world ranking thar a ti chhuak a, Indian shuttler ten hma an sawn zel. Point 74,135 hmutu Kidambi Srikanth chu pathumna a ni a, pakhatna Son Wan Ho (74,670) nen an inthlau lo hle.

Indian tlangval zinga ranking sang ber dawt chu world number 8 HS Prannoy a ni a, Asia Championship-a bronze medal latu hian badminton a khelh china a tawn san ber ṭum a tawng mek a ni.

Hmeichhe lamah Rio Olympic silver medalist PV Sindhu chu pathumna a ni a, world number 1 hlui Saina Nehwal chuan step hniha hmasawnin a sang zual 10 zingah a tel phak chiah bawk. Chinese Taipei nula Tai Tzu Ying chu pakhatna niin, Japanese shuttler Akane Yamaguchi chu pahnihna a ni thung.