Australia coach thar Langer

Tun hnai ball tampering mualphona avanga coach Darren Lehmann-a'n Australia team a chhuahsan hnuah Justin Langer chu Australia coach thar a ni dawn a, Kangaroos (Australia cricket team sawina) hi kum li chhung enkawl turin contract a ziak.

March thla khan Asutralia chuan South Africa-ah tour an nei a, ball khawihchingpen vangin an mualpho hle. He thil thleng avang hian captain Steve Smith leh vice captain David Warner chu kum khat chhung atan hrem an ni a, Cameron Bancroft chu thla kaw chhung hrem a ni bawk.

Coach Lehmann-a'n player-ten ball an khawih chingpen chungchang hi engmah a hriatpui ve lo a, hei vang hian Asutralia a enkawl chhunzawm zel tur thu a sawi. Mahse, a hnu lawkah Lehmann hian banna a thehlut a, Langer hi lakluh a ni ta a ni.

Kum 47 mi Langer hian player a nih laiin Australia tan test match vawi 105 a khel a, ODI-ah match riat a inlan ve bawk. Langer hian state association inelnaah Western Australia a enkawl mek a, Australia-a Twenty20 inelna lar Big Bash League-ah Perth Scorchers coach a ni bawk.