Zaninah 2018 DFB-Pokal final rematch Bayern Vs Frankfurt

Zanin dar 12:15 hian Allianz Arena-ah Bayern Munich leh Eintrancht Frankfurt te DFB-Pokal semifinal-ah an inkhel dawn. Bayern hian 2018 German Cup final-ah Eintrancht Frankfurt hi 3-1 in an hneh lo a, knockout a nih miau avangin Hansi Flick-a hote chak chiangsaa dah theih a ni lo.

Bayern hian Hansi Flick-a hnuaiah harhtharna an chang a, Bundesliga-ah match 16 chhung chak loh an nei tawh lo a, match kaw chhung an chak zawn tawh avangin champion ngei tura ngaih an ni tawh. Bavarians hian treble champion beiseina an la nei a, DFB Pokal-ah champion tura rinkai ni bawkin Champions League Last 16 first leg-ah Chelsea 3-0 in an sawp bawk.

German Cup-ah hian Bayern-in semifinal thleng turin Energie Cottbus, VfL Bochum, 1899 Hoffenheim leh Schalke 04 te an hneh a, an hmachhawn tur Eintrancht Frankfurt hi Bundesliga-ah vawi hnih an hneh tawh. Tun kar tawp khan Bavarians hian zanina DFB Pokal semifinal khel hmasa zawk Bayer Leverkusen chu 4-2 in an hneh.

Leverkusen lama goal khungtu Leon Goretzka chuan, "Kan chak tluang lai tihtawp hi kan duh lo a, chak chhunzawm zel kan duh," tiin a sawi a, Frankfurt tan thu hriat nuam a ni lo. Chutihrualin Eintrancht Frankfurt tan infuihna tur 

ṭha a awm a, 2018 DFB-Pokal final-ah Bayern Munich hi 3-1 in an hneh.

Bayern: Neuer (c); Pavard, Boateng, Alaba, Davies; Kimmich, Thiago; Gnabry, Müller, Perisic; Lewandowski

Khel thei lo tur: Coutinho (ke rek), Mai (ke rek), Süle (match fitness nei lo), Tolisso (ke rek)

Coach: Hansi Flick

Frankfurt: Trapp; Toure, Abraham (c), Hinteregger, N'Dicka; da Costa, Rode, Kohr, Chandler; Kamada ; Silva

Khel thei lo tur: Kostic (hrem), Fernandes (chawn), Paciencia (malpui)

Coach: Adi Hütter