French Open-ah India nula
Tennis inelna lian Grand Slam pali zinga pakhat 2018 French Open chu May 21 chhungin khelh a ni dawn a, India nula Ankita Raina chuan qualifier aṭangin a khel ve dawn.
Kunming Open aṭanga tla hlim Ankita chuan, "Ka naupan deuh laiin Serena Williams leh Maria Sharapova te inkhel ka en ṭhin a, engtikah emaw chuan Grand Slam ka la khel ve ang tiin duhthu ka sam ṭhin. Tunah chuan a takin ka tawng chho ve dawn ta niin ka hria," a ti.
Kum 25 mi Ankita hi tun dinhmunah world number 193 a ni mek a, major tournament main draw khel tur chuan a tling phak lo. Mahse, qualifier a khel thei dawn a, chu mi hmain kar leh hian China-ah ITF women’s circuit-ah a inlan leh phawt ang.