County cricket khel tur Virat Kohli

India captain Virat Kohli chuan English County Championship club Surrey a zawm a, June thla chhung English cricket club lar tan hian a inlan ang.

Surrey director of cricket Alec Stewart chuan, "Cricket khawvela hming langsar ber kan lalut thei hi kan lawm takzet a, a kianga inkhelh leh training hi kan player naupang zawkte tan inzirna ṭha tak a ni dawn a ni," a ti.

Kohli chuan, "County Cricket khelh hi ka chakna a rei tawh a, Stewart leh Surrey-in he hun ṭha min siamsak hi ka lawm takzet a ni," tiin a sawi.

India tana ODI, Test leh T20I-a run 50 chung average thei Kohli hian August 1 aṭanga Test series khelh turin India chu England-ah a kaihruai dawn a, County cricket hi lo inbuatsaih lawk nan a duh niin a lang.

Tun dinhmunah County cricket-ah hian Indian player zingah batsman Cheteshwar Pujara chu Yorkshire tan a khel mek a, pace bowler pahnih Ishant Sharma (Sussex ) leh Varun Aaron (Leicestershire) ten an khel mek bawk.