Turkish Cup-ah Besiktas inlan duh lo

Besiktas chuan Turkish Cup semifinal second leg khelh ṭhat turah an inlan loh tur thu an sawi ang ngeiin an inlan lo a, an hmachhawn tur Fenerbahce chu chak zawkah puan zui an ni.

Team pahnih hi first leg-ah 2-2 in an inhnehtawk a, second leg hi Fenerbahce khelmualah khelh a ni. Mahse, 0-0 a team pahnih an inhnehtawk laiin minute 57-naah Besiktas coach Senol Gunes chu a lu-ah vawm a ni a, inkhel tihtawp a ni.

Turkey Football Federation chuan inkhel hi tihtawp a nih hnuah entu awm loa khelh ṭhat leh turin an ti a, mahse Besiktas hian an khel nawn duh ta lo a ni. Turkish club hi season tharah chuan he inelnaah hian an inlan phalsak an ni dawn lo a, he inelnaa an inlan avanga pawisa an dawn tawh £704,349 chu hlan leh tura hrilh an ni bawk.

Fenerbahce coach Aykut Kocaman chuan, "Besiktas hian a harsa zawngin thutlukna an siam a ni. Hetianga final luh ai chuan hnehna chan loh pawh ka du zawk," a ti a, Besiktas an inlan duh tawh lo chu pawi a ti hle.