Muaythai championship-ah Mizo pasarih

IFMA World Virtual Championship 2021-ah India aiawha tel tur thlan a ni a, India rama Muaythai thuneitu sang United Muaythai Association of India (UMAI) chuan Mizo player pasarih a thlang.

National Federation-in India ram pum huap Virtual championship a buatsaih a, Mizo player 35 an tel a, medal 20 zet an la. Heng mite aṭang hian UMAI chuan IFMA World Virtual Championship 2021-a tel tur uluk takin a thlang chhuak leh a ni.

A tirah Mizo panga tel tura thlan ni mah se, final selection neih zawh takah Mizo pasarih tel tura thlan an ni a, World Virtual Muaythai Championship tie draw pawh neih fel nghal a ni bawk. Muaythai Association of Mizoram (MAM) player pasarih te hian intihsiakna chi hrang 11 an hmachhawn dawn.

National Federation chuan MAM technical chairman Samuel Lalrozama Hmar chu inelna neih turah hian National Coordinator turin a ruat a, MAM technical secretary Vanlalawmpuia pawh National Assistant Coordinator-ah ruat a ni bawk.

Mizo inlan turte

Sub-Junior
1 PB Lalthlamuanpuia Shadow box & Maxfit
2 Benjamin Lalrempuia Maxfit & Shadow box
3 Eric Biakthianghlima Shadow box

Junior
1 Malsawmdawngliani Maxfit

Senior
1 Lalṭhasanga Shadow box
2 Zohmingsangi Maxfit

Masters (+40 years)
1 Lalramchhana Maxfit, Referee & Shadow box