Silva-a'n Brentford a hmachhawn dawn lo

Brazil-in World Cup qualifier-ah Venezuela, Colombia leh Uruaguay te an hmachhawn dawn a, coach Tite-a player thlan 25 zingah Thiago Silva a tel. Chelsea manager Thomas Tuchel chuan Brazilian defender hi October 16-a Brentford an hmachhawn hunah a tel theih loh tur thu a sawi.

Tuchel chuan, "Brazil tana khel turin a kal ang. Brentford kan hmachhawn niah a rawn kir ang. Kum 2021-ah chuan kan duh emaw duh lo emaw international break-in hmun pawimawh a chang. Kan player hi kan khelh hunah a rawn kir dawn a, quarantine a la ngai dawn bawk.

"Club lam chuan tih theih kan nei tlat lo. An koh chuan an kal ngei a ṭul a, an kal loh chuan FIFA-in an hrem dawn. Kan pawm mai a ṭul a ni," tiin international break vanga an harsatna tawh chungchanga sawi.

Brazil squad-ah hian Premier League player pasarih Alisson Becker, Ederson, Emerson Royal, Thiago Silva, Fabinho, Fred leh Gabriel Jesus te an tel a ni.