Wiggins-a'n vaccine a la!

Golden State Warriors forward Andrew Wiggins-a'n sakhuana thil vangin Covid-19 invenna (vaccine) a lak loh tur thu a sawi tawh a, mahse San Francisco khawpui thuneitu lamin an kaldan pangngai an tih danglam duh loh avangin a la leh hnuhnawh.

NBA inkaihhruainaah chuan player ten vaccine an lak ngei ngei kher a ngai lo. Mahse, NBA club-te hi khawpui behchhana din an ni hlawm a, an awmna khawpui thuneitu lamin inkaihhruaina an siam chu an zawm a ngai.

San Francisco pawhin an huam chhunga inkhel tur chuan invenna an la ngei tur a ni tiin thuchhuah an siam a, hei vang hian Golden State player zawng zawng chuan home match khel thei turin vaccine an lak a ngai tihna a ni.

Steve Kerr-a enkawl GSW hian regular season an match hmasa ber chu October 21 hian an khel ang.