Austria-ah Raducanu inlan dawn

Emma Raducanu chuan season tawp lamah tournament a khel hnem dawn - November thla a khelh tur Austria Open buatsaihtu lam chuan inelna an neih turah Raducanu a inlan dawn tih an sawi.

US Open champion Raducanu hi tun kar tawp aṭanga khelh tur Indian Wells-ah a tel dawn, chumi hnuah Moscow, Romania leh Austria-ah a inkhel zui leh dawn tihna a ni a, hun awl a nei dawn meuh lo.

World ranking-ah Raducanu hi 22-na a ni mek a, tun hnaiah nasa takin hma a sawn. Tournament khelh hmabak a la ngah avangin ranking tih sanna kawng a inhawng a, a kaltluang a nih chuan a thiam pariat inelna WTA Finals pawh a khel thut mai thei.

British tleirawl hian thla hmasa khan New York khawpuiah hlawhtlinna a chang, qualifiying aṭanga inlan zingah Grand Slam champion thei hmasa ber a nih avangin a chanchinin tennis khawvel a luah hneh hle.