Pakhatna dinhmun luahtu Delhi

Delhi Capitals chuan Thawhṭanni zan khan Chennai Super Kings chuan wicket thumin an hneh a, Indian Premier League khelh mekah hmahruaitu a ni.

Dubai International Stadium-a inkhelah Delhi-in vawm hmasak an thlang. Chennai lamin an bat hmasa a, top order te an che ṭha tawk lo. Middle order-a awm Ambati Rayudu-a'n 55 runs a siam zarah 136/5 runs an tlin hram.

Delhi tan target harsa a ni lo a, chutihrualin opener Shikhar Dhawan-a'n 39 runs siam turin ball 35 a mamawh a, batsman dang an che ṭha tawk lo. West Indies batsman Shimron Hetmyer rawn che ṭhain ball 18 lekah 28 runs a rawn siam a, Delhi-in over 19.4-ah 139/7 runs siamin hnehna an chang.