Villarreal defender thar Aurier

Tottenham Hotspur defender hlui Serge Aurier chuan Villarreal a zawm a, La Liga club-ah hian kum khat chhung khel turin contract a ziak.

Kum 28 mi defender hian August thla khan Spurs-a a contract neih lai chu inhriatthiam tawnnain a titawp a, club dang nei loa a awm reng hnuin La Liga lamah a inpulut ta a ni - a contract hi a ṭul dan a zira kum hnih dang pawhsei theih a ni.

Ivory Coast tana vawi 70 inlan thei right back hian season hmasa khan Spurs tan inelna hrang hrangah match 27 a khel a, London club hian Matt Doherty leh Japhet Tanganga chu right back-a an neih sa bakah Emerson Royal an neih belh bawk a, Aurier tan chhuah mai hi a finthlak zawk.

Aurier hian French club Lens leh Toulouse-ah a lo khel tawh a, kum 2017 khan Paris Saint-Germain aṭangin Spurs hi pound maktaduai 23-in a zawm - inelna hrang hrangah match 110 khelin goal riat a khung a, Unai Emery enkawl Villarreal tan chuan free transfer-a lakluh hi a sual lo.