LeBron a langsar zel

Nimin zing khan Cleveland Cavaliers chuan Toronto Raptors chu 105-103 in an hneh a, LeBron James chuan point 38 neiin a langsar leh ber.

Cavs hian Eastern Conference semifinal-ah 3-0 in hma an hruai ta a, final thleng turin vawi khat chak chiah an mamawh tawh a, Game 4 hi May 8, Thawhlehni zing dar 6:00 hian khelh leh tur a ni.

Eastern Conference semifinal pakhat zawkah Boston Celtics-in Philadelphia 76ers chu 101-98 in an hneh ve bawk a, 3-0 thoin hma an hruai. Game 4 hi Thawhelhni zing dar 3:30-ah khelh a ni ang.

Inrinni zing khan New Orleans Pelicans chuan Golden State Warriors chu 119-100 in an hneh a, GSW hian 2-1 in hma la hruai mah se Pelicans tan beiseina thar a awm phah. Center Anthony Davis chuan point 33 a nei a, Pelicans chakna kawngah a pawimawh hle. Nizan dar 1:00 khan game 4 hi khelh a ni a, result kan hre hman lo.

Western Conference semifinal pakhat zawkah Houston Rockets chuan Utah Jazz chu 113-92 in an hneh a, 2-1 in hma an hruai chiah. Rockets tan James Harden leh Eric Gordon te chuan point 25 ve ve an nei a, tukin zing dar 5:00 hian game 4 an khel ang.