Mizo pali telna India feh chhuak

India Under 16 team chuan Sport Chain Cup khel turin nizan khan Serbia an pan. He inelna hi India chuan September 20-a ṭan tur AFC U16 Championship inpuahchah nan an hmang ang.

Team pali telnaah India hian May 9-ah an match hmasa ber an khel ang a, Jordan an hmachhawn ang. May 11-ah Serbia an hmachhawn leh ang a, May 13-ah Tajikistan an khelhpui leh ang.

India team-ah Mizo pali Eric Remruatpuia Chhangte, Lalchhanhima Sailo, Lalrokima leh Lalbiakhlua Jongte te an awm. Serchhip rawlthar hi C. Lalsawmliana fapa a ni a, midfielder a ni a. Amah ang bawka midfielder Chhanhima hi Lalnunmawia fapa a ni a, Armed Veng-a cheng a ni.

Lengpui rawlthar Rokima hi Lalhlimpuia fapa niin winger a ni a, goalkeeper Lalbiakhlua Jongte chu Vanlalhruaia fapa niin Lunglei Ramthar Vengah an cheng.

September thlaa neih tur AFC Cup-ah hian India hi Iran, Vietnam leh Indonesia te nen an awm ho a ni.