Portugal-ah FC Porto an champion

Sporting Lisbon chuan Inrinni zan khan goal khung loin Benfica an inhnehtawkpui a, team pahnihin Porto an umphak theih tawh loh avangin FC Porto chu match khat khelh tur la awmah an champion.

Primeira Liga match hnuhnung ber hi May 13-ah khelh chauh tur a ni a, Pathianni zan khan Porto chuan an champion tawh tih inhre chungin Feirense chu 2-1 in an hneh.

Spanish legend Iker Casillas chuan season tawpah Porto hi a chhuah­san tawh dawn a, league nomawi chawi chungin Portuguese club hi a mangṭha dawn tihna a ni.

FIFA FIFPro World XI-a vawi nga lang tawh keeper hian Real Madrid tan a khelh laiin league nomawi panga a lo chawi tawh bawk a, tun season hi league nomawi a vawi ruk chawina niin season thara a khelhna tur an la inrinsiak mek.