Tyson Fury hmachhawn duh Bellew

Pathianni zing khan Tony Bellew chuan David Haye chu round ngana lekah a tukdawl a, thla 14 chhunga Haye a vawi hnih hnehna a ni - Tyson Fury a cho nghal.

British boxer chuan, "Tyson Fury hmachhawn ka duh a, knockout ka chak a ni. Fury hi Anthony Joshua leh Haye anga hnek na a ni lo a, mahse boxer che rang tak a ni thung. Chutiang boxer hmachhawn chu ka chak a ni," a ti.

Kum 35 mi boxer chuan vawi 32 inhnek a hmachhawna tlawm lo chunga boxing chawlh­santu Andre Ward hmachhawn a duh thu a sawi nghal bawk. Bellew chuan, "Ward hian awl­sam taka min hneh theih a inring a, mahse ka knockout dawn a ni," tiin a cho hle.

Bellew hian London O2 Arena-a inhnekah round thumnaah Haye a hnek tlu tawh a, round nganaah hnek tlu lehin a hnek chhunzawm a, referee Howard Foster chuan inhnek hi titawpni Bellew chu chak zawkah puan a ni.

Kum 37 mi Haye tan a inhnek tawp ber a rinawm tawh a, thla 14 chhunga vawi hnih ngawt zai tawk hman boxer hian inhnek hmain a tlawm a nih chuan a tan a tawp a hun tawh tihnaah a ngaih tur thu a sawi tawh.