Chak hrim hrim a pawimawh - Marquez

Marc Marquez chuan MotoGP champion nih beisei tawh chiah lo mah se, tun hnaia ṭha taka inelna a hmachhawn thei chu chanchin lawmawm a nih thu a sawi - season thar atan beisei a nei sang tihna a ni.

Season hmasa inelna hmasa berah Marquez hi a chesual a, a ban ruh zai niin inelna a hmachhawn chhunzawm thei lo. Tun season tir lamah pawh vawi thum a tlan thei lo, tun hnaiah erawh harsatna nei loin bike a khalh leh tawh.

Honda rider Marquez chuan, "Inelna a nih tawh hrim hrim chuan hnehna changtu nih a pawimawh, kan chak miau chuan inrintawkna pawh kan neih belh ṭhin. Austin tlankawnga hnehna ka chan khan nakkum atan beiseina min pe," a ti.

Grand Prix of the Americas-ah Marquez hi pakhatna a ni a, a team Repsol Hondo chuan bike intlansiakna sang berah hian vawi 450 zet dawhsan (podium) an lawnna chiah a ni bawk.