Robinson-a'n vaccine la duh lo

Republic of Ireland international Callum Robinson chuan vawi hnih ngawt coronavirus kai tawh mah se, invenna (vaccine) a lak duh loh thu a sawi.

West Bromwich Albion striker hi nikum November thla leh kumin August thla khan buaina tawk, hri kai nen an inhnimhnaih em avangin ram tan pawh a inlan thei lo - World Cup qualifier-ah Portugal, Azerbaijan leh Serbia te a hmachhawn thei lo.

Kum 26 mi Robinson chuan, "Vanccine ka la la lo, tun dinhmunah chuan ka duhthlanna a ni. Hri leng vawi hnih ka kai tawh avangin ka ngaihdan a danglam tura ngaih a ni mai thei, mahse ka rilru a la danglam lo," tiin a sawi.

Republic of Ireland manager Stephen Kenny chuan Robinson chauh ni loin, a squad player zingah pawh hri leng invenna lak ngai ti lem lo an awm thu a sawi chhuak bawk.

Kar hmasa lama report awm dan chuan, Premier League club 20 zinga pasarih chauhin an player zinga 50% ten invenna hi a bi kimin an la. Player leh coaching staff zingah invenna la kim lo an tam tihna a ni.