2018 Intercontinental Cup South Africa hmun ruakah Kenya

All India Football Federation (AIFF)-in AFC Asian Cup 2019 inbuatsaih nana a ruahman 2018 Intercontinental Cup aṭangin South Africa an inhnukdawk a, an aiah hian Kenya an khel ang.

Intercontinental Cup-ah hian New Zealand leh Chinese Taipei an tel dawn bawk a, inelna hi Mumbai Football Arena-ah vek khelh tur niin team pali te hi an inkhel kual dawn a ni.

AIFF chuan June 1 aṭanga inelna neih ṭan tur chungchang a puan ṭum hian team tinin first team an tirh tur thu an sawi a, FIFA ranking-a 113-na ni mek Kenya hian player langsar an kawl nual.

Tottenham Hotspur defensive midfielder Victor Wanyama chu Kenya captain a ni a, La Liga club Girona striker Michael Olunga leh Beijing Renhe striker Ayub Masika te chu player langsar dang an ni.