Australia captain thar Tim Paine

Coach thar Justin Langer hnuaia khel tur Asutralia chuan England nena ODI series an khelh tur atan test captain ni lai Tim Pane chu an ruat a, Steve Smith a thlak.

Australia hian March thlaa South Africa tour-a ball khawih chingpen chungchangah captain Smith hi kum khat chhung atan an hrem a, Smith hrem a nih hnua an ODI series hmasa berah Paine a captain dawn ta a ni.

Paine-a'n captain din­hmun a luah laiin England nena Twenty20 international match khat khelh tura captain tura ruat Aaron Finch chu ODI-ah hian vice captain a ni thung ang. National selector Trevor Hohns chuan captain nghet an ruat thuai tur thu a sawi.

June 13-27 inkara Eng­land-a zin tur Aus­tralia hian mualneitu team nen hian ODI match panga an khel ang a, T20 match khat an khel bawk ang.

Hetihlai hian Austra­lia-in Adelaide Test-a India nena an inkhelh tur chhun leh zana khelh an tumna chu a tlawlh a, he rawtna hi India chuan a pawm lo.

Australia ODI squad: Ashton Agar, Alex Carey (wk), Aaron Finch (vice-capt), Josh Hazlewood, Tra­vis Head, Nathan Lyon, Shaun Marsh, Glenn Maxwell, Tim Paine (capt & wk), Jhye Richardson, Kane Richardson, D'Arcy Short, Billy Stanlake, Mar­­­cus Stoinis, Andrew Tye.

Australia T20 squad: Ashton Agar, Alex Carey (vice-capt & wk), Aaron Finch (capt), Travis Head, Nic Maddinson, Glenn Maxwell, Jhye Ri­chardson, Kane Richardson, D'Arcy Short, Billy Stanlake, Marcus Stoinis, Mitchell Swepson, Andrew Tye, Jack Wildermuth.