Premier League-a cham duh Toure

10th May, 2018

Manchester City legend Yaya Toure chuan Etihad Stadium chhuahsan dawn mah se khaw dang hawi a tum loh thu a sawi a, Premier League-ah khelh chhunzawm a tum.

Kum 34 mi midfielder hian City-ah kum riat hun a hman chhungin Premier League (3), League Cup (2) leh FA Cup (1)-ah nomawi a chawi a, tun season hi City-a a kum tawp ber a nih tur thu a tichiang tawh.

Toure chuan, "England-ah ka cham ang. Premier League-a chona inchhawp leh a game hautak hi hmachhawn nuam ka ti a ni. Fans ṭhenkhatin ka chawlh tawh dawn leh dawn loh min zawt a, ka chhanna chu 'chawl dawn lo' tih hi a ni.

"Ka ngaihdan chuan level sang bera khel turin kum hnih vel ka la nei a ni," tiin Premier League-ah a la ṭha tawk tih pholan a tum.