Serena a inhnukdawk

Madrid Open aṭanga a inhnuhdawh hnu ni nga hnu lekah Serena Williams chuan Italian Open a khelh loh tur thu a sawi zui leh ta - vawi li a champion tawhna hmunah pawh a inlan thei dawn lo tihna a ni. Hei vang hian French Open atan pawh a dinhmun a chiang lo chhunzawm nghal.

Grand Slam vawi 23 champion tawh Serena hian nikum September thla khan fa a hring a, March thla khan tennis court-ah rawn kir leh tawh mah se beisei angin a khel zui thei lo. Kum 36 mi Serena hi Indian Wells-ah third round thleng ve mah se a unaunu Venus Williams a ngam lo a, Miami Open-a a match hmasa berah Japanese player Naomi Osaka a ngam lo nghal bawk.

American nula hi inelna lianah bik chuan player hlauhawm berte zinga mi a ni thei deuh reng a, mahse hliam leh fa neih vangin clay-ah a inlan tam lo. 2016 French Open final a khelh hnuah clay court season a la hmang leh lo a, kuminah a inlan a nih pawhin Roland Garros-ah a tan hna a hautak dawn.