Murray dinhmun a khirh

World number 1 hlui Andy Murray chu a khel bawr zai a nih hnuah beisei angin a dam chak lo a, tun thla chhung chuan a rawn kir hman a beisei awm loh - clay court season-ah a inlan thei dawn lo tihna a ni.

Kum 30 mi Murray hi nikum Wimbledon hnuah a la inkhel leh mumal lo, January thla khan zai niin, hemi hnuah tournament pahnih khelh tum ve bawk mah se hun tepter tawh tak­ah a in­hnuk­dawk ve ve a ni.

Britain tlangval hian All England Club-ah training a nei leh thei tawh a, a hliam hian hma a sawn em tih chu France ram chhim lama awm Mouratoglou Academy, Nice-ah pawh enchhina a nei tawh bawk.

Rafael Nadal pawhin Murray dinhmun a hriat­thiampui a, world number 1 Nadal chuan, "Hetiang dinhmunah hian ka awm ve tawh, hriselna ṭha tak neia rawn kir leh thuai turin duhsakna ka hlan," tiin a sawi.

Tennis season kal laiah clay court-ah inelna an nei mek a, clay a zawh hnuah grass leh hard court-ah an nei zui leh dawn. Murray hi a inkhelh thiamna grass court-ah chuan a rawn inlan thei ngei tawh tura beisei a ni.