Afghanistan laka captain tur Rahane
August 1-a England nena test series an khelh tur inbuatsaih nan India captain Virat Kohli chuan England-ah Surrey tan County Championship a khel dawn a, Kohli awm loh hlana India-in Afghanistan nena test match an khelh turah Ajinkya Rahane chu India tan captain a ni dawn.
India hian Afghanistan nen hian June 14-ah test match hi an khel dawn a, an inhmachhawnna tur hmun hi Bengaluru khawpuiah a ni ang. Afghanistan nen test match an khelh zawhah India hian Ireland leh England an hmachhawn chhunzawm leh ang.
Ireland nen hian Twenty20 international match hnih an khel ang a, June 27 leh 29-ah an inkhel ang. England nen hian T20 (match thum), ODI (match thum) leh Test series-ah an inhmachhawn vek ang a, test series hi match nga khelh tur a ni.